ACTIVIDADES OFICIAIS
As prioridades para a Raíña son a súa familia e o apoio ao labor institucional da Súa Maxestade o Rei. Polo tanto, ela ocúpase diariamente das súas fillas e trata de facer compatible as súas tarefas como nai co seu traballo a carón do Rei don Felipe en determinados actos oficiais.
Ademais, dende 2007 ten unha axenda propia que se desenvolveu no marco das actividades oficiais da Casa da Súa Maxestade o Rei e no ámbito da Secretaría da Súa Alteza Real o Príncipe de Asturias. As súas principais áreas de traballo foron a infancia e a xuventude e, dentro delas, especialmente os asuntos relacionados coa educación e a sanidade.
En educación, as súas prioridades foron a formación entre os 6 e os 16 anos e, de xeito especial, a promoción e o apoio á Formación Profesional.
O fomento da lectura e da comprensión lectora como eixe fundamental do desenvolvemento intelectual do alumno é outro dos puntos nos que a Raíña traballou activamente, para loitar contra o abandono e o fracaso escolar.
Outra das facetas da educación nas que dona Letizia se implicou é a adquisición de hábitos saudables dende a primeira infancia xa que está convencida de que unha boa saúde física e mental asenta as súas bases nestes hábitos, que terán a súa máxima eficacia se se potencian nos primeiros anos de vida dos nenos. Inclúense entre eles a alimentación, a actividade física e o desenvolvemento de habilidades sociais como arma para impedir as adiccións temperás en idades críticas.
No ámbito da sanidade, a Raíña centrouse en dar alento e visibilidade aos que sofren patoloxías pouco frecuentes, coñecidas como "enfermidades raras", e ás súas familias e na loita contra o cancro. Polo seu compromiso coas enfermidades pouco frecuentes, recibiu en 2010 un convite da señora Eva Kohler, esposa do Presidente Federal alemán, para asistir a unha entrega de premios de investigación en Berlín, Alemaña, que supuxo a primeira actividade no estranxeiro da súa axenda propia.
No ámbito da sanidade, a Raíña centrouse en dar alento e visibilidade aos que sofren patoloxías pouco frecuentes, coñecidas como "enfermidades raras", e ás súas familias e na loita contra o cancro. Polo seu compromiso coas enfermidades pouco frecuentes, recibiu en 2010 un convite da señora Eva Kohler, esposa do Presidente Federal alemán, para asistir a unha entrega de premios de investigación en Berlín, Alemaña, que supuxo a primeira actividade no estranxeiro da súa axenda propia.