Berorren Errege Gorentasun Asturiasko Printzesa, Leonor Borboikoa eta Ortiz, Berorien Maiestate Espainiako Errege-erregina Felipe jaunaren eta Letizia andrearen alaba zaharrena da. Madrilen jaio zen, 2005eko urriaren 31n. Aitaren aldeko aitona-amonak, Berorien Maiestate Errege-erreginak Juan Carlos jauna eta Sofia andrea, izan ziren bataioko amabitxi-aitabitxiak.
Koroaren oinordekoa da 2014ko ekainaren 19an aita errege aldarrikatu zuten uneaz geroztik. Konstituzioaren 57.2 artikuluaren arabera, une horretatik aurrera izaten da Asturiasko Printzesaren dignitatea, Gironako Printzesaren eta Vianako Printzesaren tituluekin batera, Gaztelako Erresumaren, Aragoiko Koroaren eta Nafarroako Erresumaren oinordekoei dagozkienak; Espainiako monarkiak osatu zuen bateratze hori XVI. mendean. Halaber, Montblanc-eko Dukesaren, Cerverako Kondesaren eta Balaguerreko Andrearen tituluak ere baditu.