A Súa Alteza Real a Princesa de Asturias, dona Leonor de Borbón e Ortiz, é a filla maior das Súas Maxestades os Reis de España, don Felipe e dona Letizia. Naceu en Madrid o 31 de outubro de 2005. Os seus padriños de bautismo foron os seus avós paternos, as Súas Maxestades os Reis don Juan Carlos e dona Sofía.
É a herdeira da Coroa dende a proclamación do seu pai como Rei o 19 de xuño de 2014. De acordo co establecido no art.º 57.2. da Constitución, ostenta dende ese momento a dignidade de Princesa de Asturias, xunto cos títulos de Princesa de Girona e Princesa de Viana, correspondentes aos primoxénitos do Reino de Castela, da Coroa de Aragón e do Reino de Navarra, cuxa unión formou no século XVI a Monarquía española. Ostenta, así mesmo, os títulos de Duquesa de Montblanc, Condesa de Cervera e Señora de Balaguer.